ഓടി തുടങ്ങുമ്പോള്‍ മുന്നില്‍ തന്നെയായിരുന്നു. അശ്രാന്തം പരിശീലിച്ചിരുന്നു. കൃത്യമായ ആസൂത്രണവും പിഴപറ്റാത്ത തന്ത്രവും കൈമുതലായുണ്ടായിരുന്നു. പക്ഷെ, പിഴച്ചുപോയി. ജീവിതം പഠിപ്പിക്കുന്നു വീണ്ടും അപ്രിയമായൊരു സത്യം കൂടി — നിക്കറിന്റെ കുടുക്കൊന്നഴിഞ്ഞാല്‍ എത്ര വലിയ ഓട്ടക്കാരനായിട്ടെന്ത്? നിപുണരെ സമര്‍ത്ഥമായി പരാജപ്പെടുത്തുകയും അയോഗ്യരെ വിദഗ്ദമായി യോഗ്യരാക്കുകയും ചെയ്യുന്ന വൈജാത്യത്തെ നിങ്ങളെന്ത് വിളിക്കും?